ໃນວັນທີ 9 ເມສາ 2010 ທີ່ຜ່ານມາ ອົງການ ວິທະຍາສາດ ແລະ ເຕັກໂນໂລຊີ ແຫ່ງຊາດ (ອວຕຊ) ຊຶ່ງຂຶ້ນກັບ ສຳນັກງານ ນາຍົກລັດຖະມົນຕີ ໄດ້ຈັດພິທີ ສະຫຼຸບຜົນງານ ປະຈຳປີ ຂອງຕົນຂຶ້ນ. ພິທີດັ່ງກ່າວ ໄດ້ຈັດຂຶ້ນທີ່ ສູນນິເວດ ວິທະຍາ (ຫຼັກ 14). ໂດຍການ ເຂົ້າຮ່ວມ ເປັນປະທານຂອງ ຄະນະນຳ ອົງການ ດັ່ງກ່າວ. ພ້ອມນັ້ນ ຍັງມີບັນດາ ພະນັກງານ ວິຊາການ ເຂົ້າຮ່ວມຢ່າງພ້ອມພຽງ.

ພິທີໂຮມຊຸມນຸມ ພະນັກງານລັດຖະກອນພາຍໃນ ອວຕຊ ໄດ້ຈັດຂຶ້ນໃນຕອນເຊົ້າວັນທີ 5 ມີນາ 2010 ເພື່ອສ້າງ ຂະບວນ  ການຕ້ອນຮັບກອງປະຊຸມໃຫຍ່ ຂອງຄະນະ ພັກຮາກຖານ ອວຕຊ ແລະ ກອງປະຊຸມ 3 ຂັ້ນ ທົ່ວ ສນຍ ໃຫ້ກຽດກ່າວ ເປີດພິທີໂດຍ ທ່ານ ສາຄອນ ຈະເລີນວົງ, ຮອງເລຂາ ຄະນະ ພັກຮາກຖານ ອົງການ ວິທະຍາສາດ ແລະ ເຕັກໂນໂລຊີ ແຫ່ງຊາດ (ອວຕຊ), ຮອງຫົວໜ້າ ອວຕຊ.