|
ໝວດທີ II
ໜ້າທີ່ ແລະ ຂອບເຂດສິດ
ມາດຕາ 3. ໜ້າທີ່
1. ຄົ້ນຄວ້າ , ຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ ໃຫ້ກາຍເປັນ ແຜນການ, ແຜນງານ, ໂຄງການລະອຽດ ຂອງ ສະຖາບັນ ພ້ອມທັງຮັບຜິດຊອບການ ຈັດຕັ້ງປະຕິບັດ;
2. ສຶກສາຄົ້ນຄວ້າ ເລືອກເຟັ້ນເອົາເຕັກໂນໂລຊີ ຂໍ້ມູນຂ່າວສານ ຂອງສາກົນ ເພື່ອປັບໃຊ້ ໃຫ້ ແທດເໝາະກັບສະພາບຕົວຈິງ ຂອງການພັດທະນາເສດຖະກິດ- ສັງຄö´ແຫ່ງຊາດ;
3. ສຶກສາ, ສຳຫຼວດ ແລະ ວິເຄາະ ທາງດ້ານວິຊາການຕ່າງໆ ເພຶ່ອເປັນພື້ນຖານ ໃນການ ວາງແຜນໂຄງການພັດທະນາ ວຽກງານເຕັກໂນໂລຊີ ຂໍ້ມູນຂ່າວສານຂອງລາວ ແລະ ສະເໜີຕໍ່ ຂັ້ນເທິງພິຈາລະນາ ຮັບຮº¤-;
4. ຄົ້ນຄວ້າ, ສ້າງ, ພັດທະນາ ແລະ ບໍລິການ ລະບົບ ແລະ ໂຄງລ່າງພື້ນຖານ ເຄືອຂ່າຍຄອມພິວເຕີ ໃນຂອບເຂດທົ່ວປະເທດ;
5. ຄຸ້ມຄອງ ແລະ ບໍລິການ ປະຕູ ແລະ ລະຫັດຊື່ ອິນເຕີເນັດສູງສຸດ ຂອງ ລາວ (.la);
6. ຄົ້ນຄວ້າ ແລະ ສ້າງ ໂຄງການທົດລອງ, ໂຄງການຕົວແບບ ເພື່ອຖ່າຍທອດ, ປັບໃຊ້ ແລະ ປະດິດສ້າງ ເຕັກໂນໂລຊີ ຂໍ້ມູນຂ່າວສານ;
7. ປະກອບສ່ວນ ໃນການພັດທະນາຊັບພະຍາກອນມະນຸດ ໃນຂົງເຂດ ການຄົ້ນຄວ້າ, ການພັດທະນາ, ການນຳໃຊ້ , ການສົ່ງເສີມ ແລະ ການບໍລິການ ເຕັກໂນໂລຊີ ຂໍ້ມູນຂ່າວສານ ໃຫ້ແຕ່ລະພາກສ່ວນໃນ ຂັ້ັ້ນສູນກາງ ແລະ ທ້ອງຖິ່ນ;
8. ຊຸກຍູ້ສົ່ງເສີມ ແລະ ບໍລິການ ການນຳໃຊ້ ເຕັກໂນໂລຊີ ຂໍ້ມູນຂ່າວສານ ເພື່ອ ຍົກລະດັບ ການບໍລິຫານ ແລະ ການບໍລິການ ໃນທົ່ວສັງຄົມ;
9. ສ້າງ ແລະ ພັດທະນາ ສູນລະບົບການບໍລິຫານລັດແບບເອເລັກໂຕຣນິກ ຂັ້ນສູນກາງ ແລະ ທ້ອງຖີ່ນ ແລະ ສູນບໍລິການຂໍ້ມູນຂ່າວສານແບບເອເລັກໂຕຣນິກຊຸມຊົນ;
10. ສ້າງແຜນການໃຊ້ຈ່າຍງົບປະມານ, ລາຍຮັບວິຊາການ ປະຈຳງວດ, ປະຈຳປີ ໃຫ້ແທດ ເໝາະ ແລະ ສອດຄ່ອງ ກັບແຜນການລວມ ຂອງ ອົງການ. ຕີລາຄາ, ຖອດຖອນບົດຮຽນ ໃນການຈັດຕັ້ງປະຕິບັດ ແຜນການ ແລະ ສະຫລຸບລາຍງານ ເປັນແຕ່ລະໄລຍະ;
11. ນຳໃຊ້ ລາຍຮັບທາງດ້ານວິຊາການ ຕາມລະບຽບການ ແລະ ການຕົກລົງຂອງອົງການ;
12. ກຳນົດ, ຊຸກຍູ້ ແລະ ສ້າງເງື່ອນໄຂສະດວກ ໃຫ້ ແກ່ການຈັດຕັ້ງປະຕິບັດແຜນການ, ໂຄງການ, ງົບປະມານ ແລະ ວຽກງານ ຂອງໜ່ວຍງານຕ່າງໆ ແລະ ຈັດຕັ້ງຄຸ້ມຄອງ ວັດຖຸ ອຸປະກອນ, ພາຫະນະ ແລະ ເຄື່ອງຮັບໃຊ້ອື່ນໆ ພາຍໃນສະຖາບັນ;
13. ຂຶ້ນບັນຊີ, ຄຸ້ມຄອງບົວລະບັດຮັກສາເຄື່ອງມື, ອຸປະກອນເຕັກນິກ, ພາຫະນະຮັບໃຊ້, ຊັບສົມບັດ ຂອງສ່ວນລວມ ທີ່ຢູ່ ໃນຄວາມຮັບຜິດຊອບ ຂອງສະຖາບñ;
14. ພົວພັນ ແລະ ຮ່ວມມື ພາຍໃນ ແລະ ຕ່າງປະເທດ ແລະ ອົງການຈັດຕັ້ງສາກົນ ເພື່ອ ຍາດແຍ່ງ ເອົາບົດຮຽນ, ປະສົບການ, ການຊ່ວຍເຫລືອ ທາງດ້ານທຶນຮອນ ແລະ ແລກປ່ຽນວິຊາການ ໃນການຄົ້ນຄວ້າ ແລະ ການພັດທະນາ ເຕັກໂນໂລຊີຂໍ້ມູນຂ່າວສານ ບົນພື້ນຖານ ລະບຽບການ, ຫລັກການລວມ ແລະ ຕາມການມອບໝາຍ ຂອງ ອົງການ;
15. ປະຕິບັດໜ້າທີ່ ອື່ນໆ ຕາມການມອບໝາຍ ຂອງຂັ້ນເທິງ.
ມາດຕາ 4. ຂອບເຂດສິດ
1. ດຳເນີນການຄົ້ນຄວ້າ, ການພັດທະນາ, ການສົ່ງເສີມ ແລະ ການຝຶກອົບຮົມ ດ້ານເຕັກໂນໂລຊີຂໍ້ມູນ ຂ່າວສານ;
2. ໃຫ້ການບໍລິການ ທາງດ້ານວິຊາການ ກ່ຽວກັບ ເຕັກໂນໂລຊີ ຂໍ້ມູນຂ່າວສານ ໃຫ້ແກ່ ບຸກຄົນ ຫລື ການຈັດª˜¤;
3. ເຂົ້າຮ່ວມ, ສະເໜີຄຳຄິດຄຳເຫັນ ທີ່ພົວພັນເຖິງວຽກງານຄົ້ນຄວ້າ, ພັດທະນາ, ຝຶກອົບຮົມ ແລະ ການບໍລິການ ເຕັກໂນໂລຊີ ຂໍ້ມູນຂ່າວສານ;
4. ຄຸ້ມຄອງ, ນຳໃຊ້ງົບປະມານ ແລະ ນຳໃຊ້ລາຍຮັບວິຊາການ ຕາມແຜນການອະນຸມັດ ຂອງອົງການ ວິທະຍາສາດ ແລະ ເຕັກໂນໂລຊີແຫ່ງຊາດ ;
5. ຄຸ້ມຄອງ, ນຳໃຊ້ພາຫານະ, ວັດຖຸອຸປະກອນເຕັກນິກ, ຊັບສົມບັດສ່ວນລວມ ທີ່ຢູ່ພາຍໃຕ້ ຄວາມຮັບ ຜິດຊອບ ຂອງສະຖາບັນ;
6. ສະເໜີສ້າງຕັ້ງ, ປັບປຸງ, ດັດແປງ ຫລື ຍົກເລີກ ກົງຈັກການຈັດຕັ້ງ, ແຕ່ງຕັ້ງ, ຍົກຍ້າຍໜ້າທີ່, ປົດຕຳແໜ່ງ, ເລື່ອນຊັ້ນ ແລະ ວ່າຈ້າງຊ່ຽວຊານ, ແຮງງານຊົ່ວຄາວ ເພື່ອຮັບໃຊ້ໃຫ້ແກ່ ວຽກສະຖາບັນ;
7. ພົວພັນ, ຮ່ວມມື, ພົບປະ, ເຈລະຈາ, ຍາດແຍ່ງການຊ່ວຍເຫລືອ, ເຊັນບົດບັນທຶກ, ຂໍ້ຕົກລົງ, ສັນຍາໂຄງການ ຕາມການມອບໝາຍ ຂອງ ອົງການ.
|
