ໝວດທີ II

ໜ້າທີ່ ແລະ ຂອບເຂດສິດ

ມາດຕາ 3. ໜ້າທີ່

1. ຄົ້ນຄວ້າຜັນຂະຫຍາຍ ແນວທາງນະໂຍບາຍຂອງພັກ ແລະ ລັດຖະບານໃຫ້ກາຍເປັນແຜນ ການ, ແຜນງານ, ໂຄງການລະອຽດຂອງກົມ ພ້ອມທັງຮັບຜິດຊອບ ໃນການຈັດຕັ້ງປະຕິບັດ;

2. ສຶກສາຄົ້ນຄວ້າ, ຮ່າງ ແລະ ສະເໜີຂັ້ນເທີງອອກນະໂຍບາຍ, ແຜນຍຸດທະສາດ ແລະ ນິຕິກຳ ຕ່າງໆ ໃນການຄຸ້ມຄອງ, ການຄົ້ນຄວ້າ, ການພັດທະນາ ແລະ ການນຳໃຊ້ ເຕັກໂນໂລຊີອາວະ ກາດ, ການສືບຢັ່ງທາງໄກ (RS), ລະບົບຂໍ້ມູນຂ່າວສານພູມສາດ (GIS) ແລະ ລະບົບ​ຈຸດ​ພິກັດ​ລວມ (GPS) ພ້ອມທັງຕິດຕາມກວດກາ, ຕີລາຄາ ແລະ ລາຍງານສະພາບການຈັດຕັ້ງ ປະຕິບັດ;

3. ຈັບຈອງ, ຄຸ້ມຄອງ, ປົກປ້​ອງ ແລະ ນຳໃຊ້ຕຳແໜ່ງວົງໂຄຈອນ ແລະ ຊ່ອງ​ສັນຍານດາວທຽມ;

4. ຄຸ້ມຄອງ ແລະ ນຳໃຊ້ ສະຖານີຄວບຄຸມດາວທຽມພາກພື້ນດິນ, ຄື້ນຄວາມ​ຖີ່, ສັນຍານດາວທຽມ ຂອງ ສປປ ລາວ;

5. ຄຸ້ມ​ຄອງ ແລະ ສົ່ງ​ເສີມ​ການສຶກສາ, ການວິ​ໄຈ, ການ​ພັດທະນາ, ການນຳໃຊ້ ແລະ ການ​ບໍລິການ ເຕັກໂນໂລຊີອາວະກາດ, ການສືບຢັ່ງທາງໄກ, ລະບົບຂໍ້ມູນຂ່າວສານພູມສາດ ແລະ ລະບົບ​ຈຸດ​ພິກັດ​ລວມ ຮັບ​ໃຊ້ການພັດທະນາເສດຖະກິດ-ສັງຄົມ;

6. ສົ່ງ​ເສີມການຄົ້ນຄວ້າ ແລະ ການພັດທະນາ​​ເຕັກ​ໂນ​ໂລ​ຊີ ເພື່ອ​ການ​ປະກອບ​ສ້າງ​ຈະ​ຫລວດ ແລະ ດາວ​ທຽມ​;

7. ຄຸ້ມຄອງ, ກໍ່ສ້າງ ແລະ ຍົກລະດັບວິຊາການດ້ານ ເຕັກໂນໂລຊີອາວະກາດ ໃຫ້ບັນດາຂະແໜງ ການ ຢູ່ສູນກາງ ແລະ ທ້ອງຖິ່ນ;

8. ສ້າງລະບົບຂໍ້ມູນຂ່າວສານດ້ານ​ເຕັກ​ໂນ​ໂລ​ຊີອາວະກາດ ເພື່ອແລກປ່ຽນທັງພາຍໃນ ແລະ ຕ່າງ ປະເທດ;

9. ເປັນໃຈກາງປະສານສົມທົບ ກັບບັນດາຂະແໜງການ ແລະ ທ້ອງຖິ່ນເພື່ອຄຸ້ມຄອງ ແລະ ຕິດ ຕາມກວດກາທຸກການເຄື່ອນໄຫວວຽກງານ ເຕັກໂນໂລຊີອາວະກາດ ພ້ອມທັງລາຍງານສະພາບ ການລວມ ໃນຂອບເຂດທົ່ວປະເທດໃຫ້ ອວຕຊ ຢ່າງເປັນປົກກະຕິ;

10. ສະເໜີປັບປຸງໂຄງປະກອບການຈັດຕັ້ງຂອງກົມ ໃຫ້ສອດຄ່ອງກັບການຂະຫຍາຍຕົວ ຂອງວຽກ ງານໃນແຕ່ລະໄລຍະ;

11. ພົວພັນ​ຮ່ວມ​ມື, ພົບ​ປະ, ເຈລະຈາ ແລະ ປະສານງານກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ເພື່ອ​ຍາ​ດ​ເເຍ່ງການຮ່ວມ​ມື ແລະ ຊ່ວຍ​ເຫລື​ອ ກ່ຽວກັບວຽກງານ ເຕັກໂນໂລຊີ ອາວະກາດ;

12. ສຶກສາຄົ້ນຄວ​້າການເຂົ້າເປັນພາຄີ ແລະ ຈັດຕັ້ງປະຕິບັດພັນທະສາກົນ ດ້ານເຕັກໂນໂລຊີອາ ວະກາດ ທີ່ ສປປ ລາວ ໄດ້​ເຂົ້າຮ່ວມ;

13. ຄົ້ນຄວ້າ​ຮ່າງ​ລະບຽບການ ເພື່​ອສະ​ເໜີຕໍ່ລັດຖະມົນຕີ ຫົວໜ້າ ອວຕຊ

14. ປະຕິບັດໜ້າທີ່ອື່ນໆ ຕາມການມອບໝາຍຂອງ ອວຕຊ.

ມາດຕາ 4. ຂອບເຂດສິດ

1. ອອກ​ບົດ​ແນະນຳ, ໃບ​ແຈ້ງ​ການ, ໃບຢັ້ງຢືນ ແລະ ຮຽກໂຮມປະຊຸມ ກ່ຽວກັບວຽກ ງານ​ເຕັກໂນໂລຊີອາ​ວະ​ກາດ ຕາມການ​ມອບໝາຍຂອງ ອວຕຊ;

2. ກວດກາ, ຕີລາຄາ ແລະ ນຳສະເໜີ ອວຕຊ ກ່າວເຕືອນ, ຢັບຢັ້ງ ແລະ ໂຈະ ຫລື ຍົກເລີກ ບັນດາກິດຈະການ ທີ່ສົ່ງຜົນສະທ້ອນອັນບໍ່ດີ ໃນແງ່ເຕັກໂນໂລຊີອາ​ວະ​ກາດ;

3. ເຂົ້າຮ່ວມ ແລະ ປະກອບຄວາມເຫັນ ໃນກອງປະຊຸມຂອງຂະແໜງການ ກ່ຽວກັບບັນຫາທີ່ ພົວພັນເຖິງວຽກງານເຕັກໂນໂລຊີອາ​ວະ​ກາດ;

4. ສະເໜີສ້າງຕັ້ງ ຫລື ປັບປຸງ, ຍຸບເລີກກົງຈັກການຈັດຕັ້ງ; ແຕ່ງຕັ້ງ, ຍົກຍ້າຍ, ປົດຕຳແໜ່ງ, ເລື່ອນຊັ້ນ-ຂັ້ນ, ວ່າຈ້າງຊ່ຽວຊານ ຫລື ແຮງງານຊົ່ວຄາວ, ປະຕິບັດວິໄນ ແລະ ປະຕິບັດນະໂຍ ບາຍອື່ນໆ ຕໍ່ພະນັກງານຂອງກົມບົນພື້ນຖານ ລະບຽບຫລັກການຂອງການແບ່ງຂັ້ນຄຸ້ມຄອງ;

5. ສະເໜີໃຫ້ບຳເນັດລາງວັນ ແກ່ຜູ້ທີ່ມີຫົວຄິດປະດິດສ້າງ, ນັກວິທະຍາສາດ, ນັກຄົ້ນຄວ້າດີເດັ່ນ ທາງດ້ານເຕັກໂນໂລຊີອາ​ວະ​ກາດ;

6. ຄຸ້ມຄອງນຳໃຊ້ພາຫະນະວັດຖຸ, ອຸປະກອນທີ່ເປັນຊັບສົມບັດລວມພາຍໃນກົມ ຕາມນະໂຍບາຍ, ລະບຽບການ ແລະ ຄວາມເໝາະສົມ;

7. ຄຸ້ມຄອງ ແລະ ນຳໃຊ້ງົບປະມານ ຕາມແຜນການ ແລະ ໄດ້ຮັບອະນຸມັດຈາກ ອວຕຊ;

8. ຮ່ວມມື, ພົບປະ, ເຈລະຈາ, ເຊັນບົດບັນທຶກ, ອະນຸສັນຍາ ແລະ ສັນຍາກັບຕ່າງປະເທດ ແລະ ອົງການຈັດຕັ້ງສາກົນ ຕາມການອະນຸມັດຂອງ ອວຕຊ.