|
ໝວດທີ III
ໂຄງປະກອບການຈັດຕັ້ງ
ມາດຕາ 5. ໂຄງປະກອບກົງຈັກ
1. ພະແນກ ນະໂຍບາຍ ແລະ ນິຕິກຳ;
2. ພະແນກ ຄຸ້ມຄອງ ແລະ ສົ່ງເສີມ;
3. ພະແນກສັງລວມ.
ຢູ່ພາຍໃນພະແນກ ໃຫ້ສ້າງຕັ້ງເປັນໜ່ວຍງານ, ໂຄງການຕ່າງໆ ຕາມຄວາມຈຳເປັນ ຂອງ ວຽກງານກົມ.
ຢູ່ບັນດາ ພະແນກ ວິທະຍາສາດ ແລະ ເຕັກໂນໂລຊີ ແຂວງ, ນະຄອນ ໃຫ້ມີຂະແໜງການ ຮັບຜິດຊອບ ວຽກງານ ເຕັກໂນໂລຊີ ຂໍ້ມູນຂ່າວສານ ໂດຍອີງໃສ່ສະພາບ ແລະ ຈຸດພິເສດ ຂອງແຕ່ລະທ້ອງຖີ່ນ.
ມາດຕາ 6. ໂຄງປະກອບບຸກຄະລາກອນ
1. ກົມແອັງຟອກມາຕິກ ປະກອບດ້ວຍ ຫົວໜ້າກົມ 1 ທ່ານ ໂດຍໄດ້້ຮັບການແຕ່ງຕັ້ງ ຫລື ປົດຕຳແໜ່ງ ໂດຍ ນາຍົກລັດຖະມົນຕີ ຕາມການສະເໜີ ຂອງລັດຖະມົນຕີ, ຫົວໜ້າ ອົງການ ວິທະຍາສາດ ແລະ ເຕັກໂນໂລຊີ ແຫ່ງຊາດ;
ຫົວໜ້າກົມ ມີຄວາມຮັບຜິດຊອບ ຕໍ່ການນຳຂອງອົງການ ໃນການ ຄຸ້ມຄອງ ແລະ ຈັດຕັ້ງປະຕິບັດ ໜ້າທີ່ ແລະ ຂອບເຂດສິດ ທີ່ກຳນົດໄວ້ ໃນມາດຕາ 3 ແລະ 4; ໃນກໍລະນີ ຕິດທຸລະຈຳເປັນ ຕ້ອງໄດ້ແຕ່ງຕັ້ງ ຫລື ມອບສິດ ໃຫ້ຜູ້ຮອງ ຫົວໜ້າກົມ ຜູ້ໃດຜູ້ໜຶ່ງ ເປັນຜູ້ ຮັກສາການແທນ ຊົ່ວຄາວ.
2. ກົມແອັງຟອກມາຕິກ ມີຮອງຫົວໜ້າຈຳນວນໜຶ່ງ ໂດຍໄດ້ຮັບການແຕ່ງຕັ້ງ ຫລື ປົດຕຳແໜ່ງ ໂດຍ ລັດຖະມົນຕີ, ຫົວໜ້າ ອົງການ. ຕາມການສະເໜີ ຂອງ ຫົວໜ້າກົມ;
ຮອງຫົວໜ້າກົມ ເປັນຜູ້ຊ່ວຍຫົວໜ້າກົມ ໃນການຄຸ້ມຄອງ ແລະ ຈັດຕັ້ງປະຕິບັດວຽກ ງານ ພາຍໃນກົມ.
3. ກົມແອັງຟອກມາຕິກ ປະກອບມີ ຫົວໜ້າພະແນກ, ຮອງຫົວໜ້າພະແນກ ແລະ ພະນັກງານ ວິຊາການ ຈຳນວນໜຶ່ງ ທີ່ບັນຈຸເຂົ້າ ໃນບັນດາພະແນກຕ່າງໆ ບົນພື້ນຖານ ຄວາມຕ້ອງການ ຂອງວຽກງານຕົວຈິງ.
ການແຕ່ງຕັ້ງຫົວໜ້າພະແນກ, ຮອງຫົວໜ້າພະແນກ ແມ່ນ ລັດຖະມົນຕີ, ຫົວໜ້າ ອົງການ ເປັນຜູ້ແຕ່ງຕັ້ງ ຫລື ປົດຕຳແໜ່ງ ຕາມການສະເໜີ ຂອງ ຫົວໜ້າກົມ.
|
