|
ການຈັດສຳມະນາກ່ຽວກັບໂຄງການພາສາລາວໃນລະບົບຄອມພິວເຕີ Lao Localization Project ໃນວັນທີ 19/03/2009 ທີ່ຫ້ອງປະຊາສຳພັນຂອງ ອົງການ ວິທະຍາສາດ ແລະ ເຕັກໂນໂລຊີ ແຫ່ງຊາດ ໂຄງການ Lao Localization Project ແມ່ນໂຄງການຍ່ອຍໜຶ່ງຂອງໂຄງການ PAN Localization Project ໃຫ້ທຶນສະໜັບສະໜູນໂດຍ ອົງການ IDRC ຊຶ່ງມີມະຫາວິທະຍາໄລ NUCES ປາກິດສະຖານ ເປັນກອງເລຂາ ແລະ ມີ 16 ປະເທດເຂົ້າຮ່ວມໃນໂຄງການ. ໂຄງການ PAN Localization ແມ່ນການລິເລີ່ມຂອງພາກພື້ນອາຊີ ເພື່ອພັດທະນາ ຄວາມອາດສາມາດ ການນຳໃຊ້ພາສາທ້ອງຖິ່ນໃນຄອມພິວເຕີ ໂດຍການພັດທະນາແບບຍືນຍົງ ຂອງຄວາມອາດສາມາດ ດ້ານຊັບພະຍາກອນມະນຸດ ເພື່ອເຮັດການຄົ້ນຄວ້າ ແລະ ພັດທະນາ ພາສາທ້ອງຖິ່ນ ໃນຄອມພິວເຕີ. ຈຸດປະສົງຂອງໂຄງການແມ່ນ:
ເກັບກ້ຳສະພາບການນຳໃຊ້ ແລະ ພັດທະນາພາສາທ້ອງຖິ່ນ ໃນຄອມພິວເຕີ ຢູ່ໃນຂົງເຂດອາຊີ ຕິດຕາມການພັດທະນາ ເຕັກໂນໂລຊີ ພາສາທ້ອງຖິ່ນ ຈັດຝຶກອົບຮົມ ລະບົບພາສາທ້ອງຖິ່ນໃນຄອມພິວເຕີ ພັດທະນາ ມາດຕະຖານ ແລະ ຊອບແວ ເຮັດການຕະຫລາດເພື່ອສົ່ງເສີ່ມການນຳໃຊ້ ແລະ ເຄື່ອງມື ໃນການສ້າງ ຂໍ້ມູນພາສາທ້ອງຖິ່ນໃຫ້ຫຼາຍຂື້ນ ສ້າງເຄືອຂ່າຍການຮ່ວມມື ຂອງນັກຄົ້ນຄວ້າ, ນັກພັດທະນາ ແລະ ຜູ້ກຳນົດນະໂຍບາຍ
ໃນການຈັດຕັ້ງປະຕິບັດ, ທາງໂຄງການແມ່ນໄດ້ ສ້າງທີມງານ ຊຶ່ງປະກອບມີ ຫົວໜ້າໂຄງການ, ຜູ້ປະສານງານໂຄງການ, ໜ່ວຍງານອອກແບບ, ໜ່ວຍງານຂຽນໂປຣແກຣມ, ໜ່ວຍງານ ພາສາສາດ, ສົ່ງນັກວິຊາການ ໄປເຮັດການຄົ້ນຄວ້າຕົວຈິງ ຢູ່ຫ້ອງທົດລອງ ຢູ່ຕ່າງປະເທດ, ຈ້າງຊ່ຽວຊານ ມານຳພາຄົ້ນຄວ້າຢູ່ພາຍໃນ ແລະ ປະສານກັບ ນັກພັດທະນາອາວຸດໂສ ເພື່ອຖອດຖອນບົດຮຽນ ແລະ ນຳໃຊ້ສິ່ງທີ່ມັນດີແລ້ວ. ໂຄງການດັ່ງກ່າວ ໄດ້ແບ່ງອອກເປັນສອງໄລຍະຄື: ໄລຍະທີ່ 1 ແຕ່ 2007-2007 ແລະ ໄລຍະທີ່ 2 ແຕ່ 2008-2010 ຊື່ງຜົນສຳເລັດຂອງແຕ່ລະໄລຍະມີດັ່ງລຸ່ມນີ້: ສ້າງຕົວອັກສອນລາວ ຕາມມາດຕະຖານ Unicode ແປ້ນພິມຕົວໜັງສືລາວ ຕາມມາດຕະຖານ Unicode ການປ່ຽນຮູບແບບຕົວໜັງສື ຈາກ ASCII ໄປເປັນ Unicode ການຕັດພະຍາງ ແລະ ແຖວ ການລຽງຄຳ ວັດຈະນານຸກົມ ໂປຣແກຣມ Laopad ການສະແກນຕົວໜັງສືລາວເຂົ້າໃນຄອມພິວເຕີພາກ I ( Lao OCR 1.0)
ຜົນສຳເລັດຂອງໄລຍະທີ່ II (2008-2010) ການສະແກນຕົວໜັງສືລາວເຂົ້າໃນຄອມພິວເຕີພາກ II ( Lao OCR 2.0) ໂປຣແກຣມອ່ານພາສາລາວໃນຄອມພິວເຕີ (Text to Speech) ໂປຣແກຣມເສີ່ມ ສຳລັບໂປຣແກຣມ MS Office 2007 ໂປຣແກຣມເສີ່ມ ສຳລັບໂປຣແກຣມ Open Office v.3.0 ໂປຣແກຣມຂຽນທີ່ຢູ່ເວັບໄຊເປັນພາສາລາວ (IDNS) Corpus ແລະ POS tag Content Creation Training
ຜົນໄດ້ຮັບຂອງການຄົ້ນຄວ້າ: ເຮັດໃຫ້ພາສາລາວມີຄວາມສົມບູນຂື້ນ ມີການສ້າງ ແລະ ຊຸກຍູ້ ມາດຕະຖານ ສ້າງ ແລະ ພັດທະນາ ເຄື່ອງມື ໃນການນຳໃຊ້ພາສາລາວ ໃນຄອມພິວເຕີໃຫ້ສົມບູນ ສ້າງເອກະສານ ແລະ ບົດຮຽນຂອງການຄົ້ນຄວ້າ ສົ່ງເສີ່ມການນຳໃຊ້ຜົນຂອງການຄົ້ນຄວ້າ ໃຫ້ສັງຄົມ ພັດທະນາສັບພະຍາກອນມະນຸດ ການຮ່ວມມືກັບພາກພື້ນ ແລະ ສາກົນ
ຈຸດປະສົ່ງຂອງການຈັດສຳມະນາໃນຄັ້ງນີ້ແມ່ນ ເພື່ອເຜີຍແຜ່ ແລະ ສາທິດຜົນສຳເລັດຂອງການຄົ້ນຄວ້າໃນໄລຍະທີ່ 1 ແລະ ໄລຍະທີ່ 2 ໃນຫົວຂໍ້ດັ່ງລຸ່ມນີ້: ໂປຣແກຣມອ່ານພາສາລາວໃນຄອມພິວເຕີ (Text to Speech) ໂປຣແກຣມເສີ່ມ ສຳລັບໂປຣແກຣມ MS Office 2007 ໂປຣແກຣມເສີ່ມ ສຳລັບໂປຣແກຣມ Open Office v.3.0 ໂປຣແກຣມຂຽນທີ່ຢູ່ເວັບໄຊເປັນພາສາລາວ (IDNS)
|
